სიახლეთა არქივი
კვიორშსამოთხხუთპაბშაბ
 
34568
15
162122
242829
30 

2021-05-13 - სენაკს კიდევ ერთი მრავალფუნქციური სივრცე შეემატება

სენაკის მუნიციპალიტეტში საგზაო-სარეაბილიტაციო და კეთილმოწყობის სამუშაოები ინტენსიურ რეჟიმში მიმდინარეობს.
 
მუნიციპალიტეტის თითქმის ყველა ლოკაციაზე მასშტაბური ინფრასტრუქტურული პროექტები ხორციელდება.
 
ამ ეტაპზე საავტომობილო გზის სამშენებლო სამუშაოები უწყვეტ რეჟიმში მიმდინარეობს სახოკიას ქუჩიდან შხეფის ციხემდე მისასვლელ გზაზე.
 
პროექტის ფარგლებში, დაგეგმილია შხეფის ციხემდე მისასვლელი გზის რეაბილიტაცია, არსებულ მოედანზე ასფალტო-ბეტონის საფარის მოწყობა და გარე განათების დამონტაჟება.
 
გზის კაპიტალური რეაბილიტაციის პროექტის ღირებულება 91 049 ლარს შეადგენს.
 
სამუშაოებს შპს ,,აფო“ ახორციელებს.
 
პროექტის დასრულების შემდეგ, განახლებული ინფრასტრუქტურით, კეთილმოწყობილი პარკინგითა და განათებით, მუნიციპალიტეტს კიდევ ერთი მრავალფუნქციური, მათ შორის, ტურისტული თვალსაზრისით მნიშვნელოვანი სივრცე შეემატება.
 
მიმდინარე სამუშაოებს სენაკის მუნიციპალიტეტის მერი ლევან კუპრეიშვილი გაეცნო.
 
ლევან კუპრეიშვილის მერობის პერიოდში, 2017-2020 წლებში, 500-მდე ინფრასტურქტურული პროექტი განხორციელდა. მათ შორის, 2017-2020 წლებში, ქალაქად რეაბილიტირდა 75 ქუჩა, ხოლო ადმინისტრაციულ ერთეულებში - 54.
 
მიუხედავად პანდემიით შექმნილი საყოველთაო დამაბრკოლებელი გარემოებებისა, მიმდინარე წელსაც, სენაკის მუნიციპალიტეტში, საგზაო ინფრასტრუქტურის განახლება-რეაბილიტაციის პროცესი ქალაქად და სოფლად, აქტიურ რეჟიმში გრძელდება.
 
მუნიციპალიტეტში საგზაო ინფრასტრუქტურის მოწესრიგების პარალელურად, კეთილმოწყობის სამუშაოები ასევე სხვადასხვა მიმართულებით ხორციელდება.
 
 
 

 მისამართი: 4100, ქალაქი სენაკი, ჭავჭავაძის ქ. 103 Email: senakismeria@gmail.com
ცხელი ხაზი : (995) 599 85 04 19