09.07.2021

გერმანიის საერთაშორისო თანამშრომლობის საზოგადოების (GIZ) მხარდაჭერით სენაკის მუნიციპალიტეtში მიმდინარე საგრანტო კონკურსისთვის - ,,ქალთა მცირე ბიზნესის მხარდაჭერა’’,განაცხადების მიღება დასრულდა.

სამიზნე თვითმმართველ ერთეულებში - სენაკსა და ონში მცხოვრებმა, პროგრამით დაინტერესებულმა პირებმა, 44 ბიზნეს იდეა წარმოადგინეს, რომლებსაც საკანონმდებლო და აღმასრულებელი ხელისუფლებისა და სხვადასხვა არასამთავრობო ორგანიზაციების წარმომადგენლებითა და ექსპერტებით დაკომპლექტებული შეფასების კომისია განიხილავს.

პროექტის ხელმძღვანელების, ,,ათეას” აღმასრულებელი დირექტორის მოადგილის, CEMR-ში ეროვნული კოორდინატორისა და ექსპერტის - ნათია ღვინაშვილის, ასევე ექსპერტის ადგილობრივი ეკონომიკური განვითარების საკითხებში - შორენა კოჭლამაზაშვილის განცხადებით, მათთვის, ვინც პროგრამის კრიტერიუმებს დააკმაყოფილებს, დაგეგმილია სასწავლო კურსის ჩატარება, რომელიც მათ ბიზნეს გეგმის შედგენასა და საბოლოოდ, საკუთარი იდეის განხორციელებაში დაეხმარება.

მოგვიანებით კი, განაცხადების ადგილზე შესწავლისა და გადაწყვეტილების მიღების მიზნით, საველე მონიტორინგიც ჩატარდება.

პროექტი - ,,ქალთა მცირე ბიზნესის მხარდაჭერა”, რომელიც გერმანიის საერთაშორისო თანამშრომლობის საზოგადოების (GIZ) მხარდაჭერითა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) დაკვეთით, პროგრამის - „კარგი მმართველობა ადგილობრივი განვითარებისთვის სამხრეთ კავკასიაში“ (GGLD) ფარგლებში ხორციელდება, ინსტიტუციონალიზაციის გზით, გენდერული ბალანსის ხელშეწყობას ისახავს მიზნად.

პროგრამაში სენაკის მუნიციპალიტეტებში რეგისტრირებული, 18 წელს მიღწეული ქალბატონები ჩაერთვებიან, გრანტს კი - კონკურსის მინიმუმ 10 მონაწილე მიიღებს.

საველე მონიტორინგი GIZ -ის საგრანტო პროგრამის ფარგლებში

GIZ პროექტის საკონკურსო კომისიის სხდომა

გერმანიის საერთაშორისო თანამშრომლობის საზოგადოების (GIZ) მხარდაჭერით, ქალთა ეკონომიკური გაძლიერების მიზნით მიმდინარე პროექტი მეორე ეტაპზე გადადის, რაც სამიზნე, კერძოდ კი, ონისა და სენაკის მუნიციპალიტეტებში მცხოვრები გამარჯვებული ქალებისთვის საჭირო ინვენტარით აღჭურვასა და შემდგომ მონიტორინგს ითვალისწინებს.

გერმანიის საერთაშორისო თანამშრომლობის საზოგადოების (GIZ) პროგრამის ფარგლებში გამარჯვებული ქალები ბიზნესის დაწყებას, ან უკვე არსებული საქმის გაფართოებას უახლოეს პერიოდში შეძლებენ.

შუალედური მონიტორინგი სენაკში GIZ-ის პროგრამის ფარგლებში