სხდომას სენაკის მუნიციპალიტეტის მერი, ვახტანგ გადელია, საკრებულოს წევრი, საბა ოდიშარია, მერიის სტრუქტურული ერთეულების, მერიის მიერ დაფუძნებული კერძო სამართლის იურიდიული პირების ხელმძღვანელები და შესაბამისი სექტორების წარმომადგენლები ესწრებოდნენ.

სხდომაზე, შეზღუდული შესაძლებლობების მქონე პირთა ინტეგრაციისა და განვითარების ასოციაცია ,,ჰანგის“ თავმჯდომარემ, რუსლან საჯაიამ, შშმ პირთა მონაცემთა სრულყოფილი ბაზის შესაქმნელად საჭიროებათა კვლევის ჩატარების თაობაზე და შესაბამისად, მუნიციპალიტეტის ბიუჯეტის ფარგლებში, მისი დაფინანსების შესაძლებლობის განხილვის პროცედურებზე ისაუბრა.

ასევე წარმოდგენილ იქნა დღის წესრიგით გათვალისწინებული საკითხები - სენაკის მუნიციპალიტეტის მერთან არსებული შეზღუდული შესაძლებლობის მქონე პირთა საბჭოს მიერ განხორციელებულ, მიმდინარე და სამომავლო პროექტებზე პრეზენტაცია სენაკის მუნიციპალიტეტის მერიის ჯანმრთელობისა და სოციალური დაცვის სამსახურის უფროსმა, საბჭოს მდივანმა, ნატალია ხუბუამ წარადგინა;

ა(ა)იპ ზუგდიდის დამოუკიდებელი ცხოვრების ცენტრის საქმიანობის/სერვისებისა და მუნიციპალიტეტთან მომავალი თანამშრომლობის პერსპექტივებზე ისაუბრეს ზუგდიდის დამოუკიდებელი ცხოვრების ცენტრის თავმჯდომარემ, სოფიო ჩახაიამ და ცენტრის წარმომადგენელმა, ნესტან ბეჭვაიამ.

სხდომაზე აღინიშნა, რომ მუნიციპალიტეტებში ჩატარებულია საჭიროებათა კვლევა, გამოვლენილია პრიორიტეტები, რის საფუძველზეც შეიქმნება მოკლე და გრძელვადიანი სამოქმედო გეგმა.

Facebook Instagram