სენაკის მუსიკალური ფესტივალი, რომელიც სრულიად საქართველოს კათოლიკოს-პატრიარქის ილია II-ის პატრონაჟით, სენაკის მუნიციპალიტეტის მერიის და ხელოვნების აკადემიის რექტორის, გამოჩენილი პიანისტის, ვალერიან შიუკაშვილის ორგანიზებით იმართება, მეცხრედ ტარდება.

,,არტ-ფესტი 2022“ 15 მაისს, აკაკი ხორავას სახელობის სახელმწიფო დრამატულ თეატრში, ცნობილ მომღერალს, მეცოსოპრანოს, ნატალია ქუთათელაძეს უმასპინძლებს.

ფესტივალის ფარგლებში, გაიმართება პიანისტების - ვალერიან შიუკაშვილის, დათუნა ალადაშვილის, მიხეილ ოთარაშვილისა და ირაკლი ფხალაძის საღამოები, საბავშვო მუსიკალური კონკურსის ,,რანინას“ 2022 წლის ფინალისტების კონცერტი, მასტერკლასებს ჩაატარებენ თბილისის სახელმწიფო კონსერვატორიის პროფესორი, ნათია ქავთარაძე; გიტარისტი, ტარიელ სუარი; მსახიობები - თათული ედიშერაშვილი და თამარ ნიკოლაძე.

სენაკის მუსიკალური ფესტივალი 25 მაისს, გალა კონცერტით დასრულდება.