14 იანვარს,  კალანდობის დღესასწაულზე, ქართული თეატრის დღე აღინიშნება.

მუნიციპალიტეტის კულტურული ცხოვრების ისტორიისთვის უმნიშვნელოვანესია, რომ დღეს, სენაკის სავიზიტო ბარათს - გენიალური აკაკი ხორავას სახელობის სახელმწიფო პროფესიულ დრამატულ თეატრს,  დაარსებიდან 140 წელი შეუსრულდა. ეს თარიღი საამაყოა თითოეული სენაკელისთვის  და ჩვენს გამორჩეულ თეატრალურ ტრადიციებზე მეტყველებს.

2021 წლიდან, სენაკი,  კულტურული მემკვიდრეობის ძეგლის სტატუსის მქონე განახლებული უნიკალური თეატრითა და მრავალფეროვანი სპექტაკლებით გააგრძელებს თეატრალური ცხოვრების მდიდარ ტრადიციას.

თეატრალური საზოგადოების ყველა  წარმომადგენელს, სენაკელ თეატრალებს, ახალგაზრდული თეატრის ,,ფიროსმანი" ახალბედა მსახიობებს ვულოცავთ პროფესიულ დღესასწაულს და  საინტერესო საქმიანობას ვუსურვებთ.

#თეატრისდღე2021