სიახლეთა არქივი
კვიორშსამოთხხუთპაბშაბ
 2
5
121314
1923
2425
 

2019-03-21 - ,,დღეს თქვენი დღეა - ყველაზე უწყინარი, თბილი და საყვარელი ანგელოზების დღე''

დღეს თქვენი დღეა - ყველაზე უწყინარი, თბილი და საყვარელი ანგელოზების დღე.

დღეს, მთელ მსოფლიოში, ადამიანები სიმბოლურად ზოლიან წინდებს იკეთებენ, რაც თქვენი - ,,მზის შვილების“ მიმართ სოლიდარობის და სიყვარულის გამოხატვაა.

ჩვენ, თქვენი მეგობრები, არ ვითვლით ქრომოსომებს.

ჩვენი მუნიციპალიტეტი უერთდება ,,მზის შვილების“ დღის აღნიშვნას.

ჩვენი გულის სითბო მინდა გიწილადოთ, თქვენ ხომ საზოგადოების ყველაზე გულმზიანი, თანასწორი და სრულფასოვანი წევრები ხართ.
მჯერა, რომ ქვეყნის განვითარებაში შეძლებთ თქვენი წვლილის შეტანას.

სიყვარულით,
სენაკის მუნიციპალიტეტის მერი ლევან კუპრეიშვილი

Facebook

2019-03-21 - ,,ძვირფასო ჟურნალისტებო, გილოცავთ პროფესიულ დღეს''

ძვირფასო ჟურნალისტებო, გილოცავთ პროფესიულ დღეს.

იყო ჟურნალისტი - ნიშნავს იდგე შენი ქვეყნის, ხალხის სადარაჯოზე და ყოველდღიურ რეჟიმში იცავდე ყველა მხარის უფლებას. ქმნიდე, ემსახურებოდე შენი ქვეყნის განვითარებას. თქვენი მთავარი იარაღი თავისუფალი, ობიექტური, სამართლიანი სიტყვაა.
ქართული ჟურნალისტიკის 200 წლოვან იუბილეს გილოცავთ და გისურვებთ დიდი წინამორბედების გაკვალული გზის ღირსეულად გაგრძელებას ჩვენი ქვეყნის საკეთილდღეოდ.

სენაკის მუნიციპალიტეტის მერი ლევან კუპრეიშვილი

 

2019-03-21 - ,,არავინ დატოვო მიღმა''

,,ჩვენ, მეგობრები, ქრომოსომებს არ ვითვლით“ - ამ სიტყვებით მიესალმნენ და უმასპინძლეს ,,მზის შვილებს“ სენაკის მუნიციპალიტეტის მერის პირველმა მოადგილემ გრიგოლ ბაღათურიამ, მერის მოადგილემ კახაბერ კუპრეიშვილმა, მერიის ჯანმრთელობისა და სოციალური დაცვის სამსახურის უფროსმა ნატალია ხუბუამ, მერიის თანამშრომლებმა. დაუნის საერთაშორისო დღესთან დაკავშირებით, ჩვენს მუნიციპალიტეტში მცხოვრებ, გამორჩეულად თბილ და უმანკო არსებებს, სამახსოვრო საჩუქრები გადაეცათ. ამ ამაღელვებელი შეხვედრის შემდეგ, მოსწავლე-ახალგაზრდობისა და კულტურის ცენტრში, ადგილობრივმა შემოქმედებითმა ჯგუფებმა და გასართობ ცენტრ ,,ზოოლენდის“ ანიმატორებმა ,,მზის შვილებს“ და ცენტრ ,,ლაზარეს“ აღსაზრდელებს სახალისო და სიყვარულით სავსე გარემო შეუქმნეს. დასასრულს, სიცოცხლის და სიყვარულის სიმბოლოდ, ქალაქის ცენტრალურ სკვერში, ნაძვის ნერგები დაირგო. 
#დაუნისსინდრომისსაერთაშორისოდღე 
#მეგობრებიარითვლიანქრომოსომებს 
#მზისშვილებისდღე 
#worlddownsyndromeday

Facebook

2019-03-21 - სტუმრობა უხუცეს ჟურნალისტებთან

დღეს, ჩვენი მუნიციპალიტეტის ღვაწლმოსილ ჟურნალისტებს, გაზეთ ,,კოლხეთის რედაქტორს, სენაკის საპატიო მოქალაქეს, რეზო ჯანჯღავას და დამსახურებულ ჟურნალისტს ლამარა გადელიას პროფესიული დღესასწაული მიულოცეს და სამახსოვრო საჩუქრები გადასცეს სენაკის მუნიციპალიტეტის მერის პირველმა მოადგილემ გრიგოლ ბაღათურიამ, მერის მოადგილემ კახაბერ კუპრეიშვილმა. ,,სენაკის ჟურნალისტიკის ისტორიაში ფასდაუდებელია თქვენი ამაგი. ათწლეულების მანძილზე თქვენს მიერ გაკვალული გზა და ტრადიციები გრძელდება. დღეს უხუცეს ჟურნალისტებთან ჩვენი სტუმრობა დასტურია დიდი პატივისცემისა თქვენს მიერ გაწეული ღვაწლის მიმართ, რომელსაც თაობები სათუთად გაუფრთხილდებიან“ - აღნიშნა გრიგოლ ბაღათურიამ.

Facebook

 მისამართი: 4100, ქალაქი სენაკი, ჭავჭავაძის ქ. 103 Email: senakismeria@gmail.com
 მოქალაქეთა მისაღები: 0 (413) 27 70 31
 ცხელი ხაზი: 0 (413) 27 70 31