სიახლეთა არქივი
კვიორშსამოთხხუთპაბშაბ
 2
5
121314
1923
24252627282930
31 

2019-03-09 - უფასო ოფთალმოლოგიური გამოკვლევების მორიგი აქცია სენაკში

დღეს, სენაკის მუნიციპალიტეტის საზოგადოებრივი ჯანდაცვის ცენტრში, მოსახლეობას უფასო ოფთალმოლოგიური გამოკვლევები უტარდება. სამედიცინო კვლევების აქცია პერმანენტულ ხასიათს ატარებს და თვალის მიკროქირურგიული ჯავრიშვილის კლინიკა ,,ოფთალმიჯის’’ ორგანიზებითა და სენაკის მუნიციპალიტეტის მერიის მხარდაჭერით ხორციელდება. აქციის მიმდინარეობის პროცესს გაეცნენ სენაკის მუნიციპალიტეტის მერის მოადგილე კახაბერ კუპრეიშვილი, მერიის ჯანმრთელობისა და სოციალური დაცვის სამსახურის უფროსი ნატალია ხუბუა. აქციის ფარგლებში, კლინიკა ,,ოფთალმიჯის’’ ზუგდიდის ფილიალის ოფთალმოლოგთა ჯგუფი ახორციელებს თვალის სრულ პირველად გამოკვლევას, დაავადებების სკრინინგს და რეფრაქციის დადგენას. გამოკვლევა თვალის ქსოვილების შრეობრივ ანალიზს იძლევა, რითაც ვლინდება თვალის ისეთი დაავადებები, როგორიცაა: გლაუკომა, ბადურის შეშუპება, ბადურის დისტროფია და სხვა. საჭიროების შემთხვევაში, უფასო ოფთალმოლოგიური კვლევების მეორე ეტაპი მოიცავს ქირურგიულ მომსახურეობას, რომელსაც დედაქალაქიდან მოწვეული, კლინიკის ოფთალმოლოგთა ჯგუფი ახორციელებს.

Facebook

2019-03-09 - გალა-კონცერტი ,,დედა, ქალი, გაზაფხული..."

გაზაფხულის მობრძანებას, დედისა და ქალთა დღესასწაულებს მიეძღვნა ა(ა)ი.პ. ,,სენაკის მუნიციპალიტეტის მოსწავლე-ახალგაზრდობისა და კულტურის ცენტრის“ (დირექტორი -ლევან უჩანეიშვილი) ორგანიზებით გამართული საღამო ,,დედა, ქალი, გაზაფხული...“ მოსწავლე-ახალგაზრდობის სკვერში დილიდანვე შეიქმნა ამაღლებული განწყობილება და სადღესასწაულო გარემო. ღია ცის ქვეშ, საგანგებოდ მოწყობილ სცენაზე, ერთმანეთს ენაცვლებოდნენ მოსწავლე-ახალგაზრდობისა და კულტურის ცენტრთან არსებული, ადგილობრივი შემოქმედებითი ჯგუფები და ინდივიდუალური შემსრულებლები. საზეიმო კონცერტს საქართველოს პარლამენტის წევრი, სენაკის მაჟორიტარი დეპუტატი ირაკლი ბერაია, სენაკის მუნიციპალიტეტის მერის მოადგილე კახაბერ კუპრეიშვილი, ადგილობრივი თვითმმართველობისა და საზოგადოების წარმომადგენლები დაესწრნენ.

Facebook

 მისამართი: 4100, ქალაქი სენაკი, ჭავჭავაძის ქ. 103 Email: senakismeria@gmail.com
 მოქალაქეთა მისაღები: 0 (413) 27 70 31
 ცხელი ხაზი: 0 (413) 27 70 31