სიახლეთა არქივი
კვიორშსამოთხხუთპაბშაბ
 23
810
1318
2026
2729 

2019-01-28 - შეხვედრა ,,აჭარა ტექსტილეს’’ წარმომადგენლებთან

სენაკის მუნიციპალიტეტის მერიის სხდომათა დარბაზში, ფოთში არსებულ სამკერვალო საწარმოში დასაქმებასთან დაკავშირებით, შპს ,,აჭარა ტექსტილეს’’ გენერალურ დირექტორ ჯენგიზ ოსქენდირთან, კომპანიის ადმინისტრაციულ მენეჯერ ნუგზარ შაინიძესთან და ადამიანური რესურსების მართვის განყოფილების უფროს არჩილ მართალიშვილთან საინფორმაციო შეხვედრა გაიმართა. შეხვედრას სენაკის მუნიციპალიტეტის მერი ლევან კუპრეიშვილი, მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი, საკრებულოსა და მერიის შესაბამისი სამსახურების წარმომადგენლები ესწრებოდნენ. აღსანიშნავია, რომ ფოთის სამკერვალო საწარმო თურქული კომპანია ,,აჭარა ტექსტილეს’’ რიგით მესამე ქარხანაა, რომელიც სპორტული სამოსის ისეთი ცნობილი ბრენდების დაკვეთებზე მუშაობს, როგორებიცაა: ,,ადიდასი’’ ,,პუმა’’ ,,ნაიკი’’ და სხვა. საწარმოს პროდუქციის 100 % ევროპის ბაზარზე გადის. ინვესტირების პროცესის ზრდასთან დაკავშირებით, დასაქმების მეორე ეტაპზე, საწარმოს აქვს შესაძლებლობა მომუშავეთა რაოდენობა 1000-დან 3000-მდე გაზარდოს და კადრები სენაკის მუნიციპალიტეტიდან მოიზიდოს. მუშაობის მსურველებს ტრანსპორტირება და კვება აუნაზღაურდებათ კომპანიის მიერ. ახალი კადრები გაივლიან 30 დღიან დაფინანსებულ სასწავლო კურსს, რის შემდეგაც ჩაერთობიან სამუშაო პროცესში და კვალიფიკაციის და გამომუშავების შესაბამისად მიიღებენ ანაზღაურებას. შეხვედრაზე, რომელიც კითხვა-პასუხის რეჟიმში წარიმართა, ისაუბრეს სამუშაო პირობებსა და ანაზღაურებასთან დაკავშირებულ ყველა დეტალზე. მსურველებს შეუძლიათ მიიღონ დაწვრილებითი ინფორმაცია და დარეგისტრირდნენ ქალაქ სენაკში, ჯორჯაძის №12-ში მდებარე კომპანიის ოფისში. ( საკონტაქტო პირი - ნინო ჯანაშია. მობ: 579 81 09 38).

Facebook

2019-01-28 - 14-ვე ადმინისტრაციულ ერთეულში დასაფინანსებელი პროექტები შეირჩა

დღეიდან სენაკის მუნიციპალიტეტში, სოფლის მხარდაჭერის პროგრამის ფარგლებში დასაფინანსებელი პროექტები მოსახლეობასთან კონსულტაციებითა და საერთო კრებებზე მიღებული გადაწყვეტილებებით 14-ივე ადმინისტრაციულ ერთეულში უკვე შერჩეულია.დღეს სენაკის მუნიციპალიტეტის ფოცხოსა და ხორშის ადმინისტრაციულ ერთეულებში გამართულ საერთო კრებებს/კონსულტაციებს სენაკის მუნიციპალიტეტის მერიის სივრცითი მოწყობისა და ინფრასტრუქტურის სამსახურის უფროსი ვახტანგ ფაცაცია, ამავე სამსახურის უფროსი სპეციალისტი გელა ჯანაშია, მერიის ადმინისტრაციული სამსახურის ადმინისტრაციულ ერთეულებში საქმიანობის კოორდინაციის განყოფილების უფროსი დალი შონია, ამავე განყოფილების უფროსი სპეციალისტი ზაქრო მამულია, ადგილობრივი თვითმმართველობისა და საზოგადოების წარმომადგენლები დაესწრნენ.განსახორციელებელი პროექტების შესახებ მიღებულ იქნა რამდენიმე გადაწყვეტილება: კერძოდ - ფოცხოს ადმინისტრაციულ ერთეულში მოეწყობა სამი ცხაური და ჩატარდება შიდა საავტომობილო გზის მოხრეშვა-მოშანდაკების სამუშაოები; საბავშვო ბაღები აღიჭურვება საბავშვო ატრაქციონებით, შემოკავდება ცენტრალური სტადიონის ტერიტორია. ხორშის ადმინისტრაციულ ერთეულში - პატარა ზანის, ციზეთის, დიდი ხორშის - საგუგუნაოსა და სადადიანოს უბნებში - ჩატარდება შიდა საავტომობილო გზების მოხრეშვა-მოშანდაკებისა და სანიაღვრე არხების ამოწმენდითი სამუშაოები; ნაწილობრივ რეაბილიტირდება და შესაბამისი ინვენტარით აღიჭურვება საბავშვო ბაღი; საფაჩულიოსა და საგვასალიოს უბნებში ჩატარდება კიუვეტისა და სანიაღვრე არხების გაწმენდითი სამუშაოები. სენაკის მუნიციპალიტეტში, სოფლის მხარდაჭერის პროგრამის ფარგლებში დასაფინანსებელი პროექტების შერჩევის მიზნით, საერთო კრებები/კონსულტაციები ყველა ადმინისტრაციულ ერთეულში დასრულდა.

Facebook

 მისამართი: 4100, ქალაქი სენაკი, ჭავჭავაძის ქ. 103 Email: senakismeria@gmail.com
 მოქალაქეთა მისაღები: 0 (413) 27 70 31
 ცხელი ხაზი: 0 (413) 27 70 31