2022-05-03 - სენაკის მერი ღვაწლმოსილ ბიბლიოთეკარებს ესტუმრა
📚ბიბლიოთეკარის დღისადმი მიძღვნილი კვირეულის ფარგლებში, დღეს, სენაკის მუნიციპალიტეტის მერი, ვახტანგ გადელია, მოსწავლე-ახალგაზრდობისა და კულტურის ცენტრის დირექტორთან, ბადრი ქუთელიასთან ერთად, ღვაწლმოსილ ბიბლიოთეკარებს - სენაკის საპატიო მოქალაქეს, ციური ხორავას და ქეთევან ლატარიას ესტუმრა, მათ პროფესიული დღესასწაული მიულოცა და მადლობის სიგელები გადასცა.
🗣️,, მინდა მადლიერება გამოვხატო თქვენს მიერ საბიბლიოთეკო სფეროში ათწლეულების მანძილზე გაწეული დაუღალავი ღვაწლისთვის.
გამორჩეულია თქვენი წვლილი ჩვენს მუნიციპალიტეტში წიგნიერი თაობების ჩამოყალიბებისა და მათი სრულფასოვანი განვითარების საქმეში.
გიხდით გულითად მადლობას, ამ დიდ კეთილშობილურ საქმეში შეტანილი მნიშვნელოვანი წვლილისთვის“ - აღნიშნა ვახტანგ გადელიამ, მათთან სტუმრობისას.
Facebook Instagram 
