სიახლეთა არქივი
კვიორშსამოთხხუთპაბშაბ
 3
4
111516
192021222324
25262728293031

2020-10-05 - სოფლებში წყალმომარაგების განახლებული ინფრასტრუქტურა მოეწყობა

წყალმომარაგების კომპანია რეგიონების მასშტაბით წყლის ინფრასტრუქტურის მოწესრიგებას განაგრძობს.

გამოცხადდა ტენდერი სენაკის მუნიციპალიტეტის სოფელ გოლასკურის, ზემო ჭალადიდის, ხორგიშისა და მიმდებარე უბნების წყალმომარაგების სისტემის რეაბილიტაცია-მშენებლობაზე.

გამარჯვებულმა კონტრაქტორმა კომპანიამ სამუშაოები 11 თვეში უნდა დაასრულოს.

სენაკის მუნიციპალიტეტის მერი ლევან კუპრეიშვილი პირველ მოადგილესთან ერთად ადგილობრივ მოსახლეობას შეხვდა და აღნიშნული უპრეცედენტო მასშტაბის პროექტის შესახებ ინფორმაცია მიაწოდა.

ამ სოფლებში არსებული წყალმომარაგების ქსელი ამორტიზებულია, ხშირია დაზიანებები და მოსახლოებას წყალი გრაფიკით მიეწოდება.

სამუშაოები წყალმომარაგების დაზიანებული ქსელის ახლით ჩანაცვლებასა და აბონენტების ინდივიდუალურ გამრიცხველიანებას ითვალისწინებს.

პროექტის დასრულების შემდეგ სენაკის მუნიციპალიტეტის სოფელ გოლასკურის, ზემო ჭალადიდის, ხორგიშისა და მიმდებარე უბნების დაახლოებით 1000-მდე მცხოვრები გაუმჯობესებული წყალმომარაგებით ისარგებლებს.

პროექტის განსახორციელებლად სახელმწიფო ბიუჯეტიდან 3 მლნ ლარზე მეტია გამოყოფილი.
 
 

 მისამართი: 4100, ქალაქი სენაკი, ჭავჭავაძის ქ. 103 Email: senakismeria@gmail.com
ცხელი ხაზი : 0 (413) 27 70 31